Sa tulong ng US Trade and Development Agency (USTDA), magkakaroon na ng progreso ang long-delayed Sangley Point International Airport project sa Cavite City, kung saan popondohan ng ahensya ang feasibility studies para sa airpor na itatayo sa mismong naval base.

Sa statement, isinaad ng USTDA na popondohan nila ang technical studies para sa proyekto na na-delay dahil sa pabago-bagong consortiums, in partnership sa Cavitex Holdings, Inc., na project developer ng Sangley Airport.

Kasama sa progreso ng proyekto ang California-based The S-A-P Group, na magcoconduct ng feasibility studies sa gagawing airport.

Napapaloob sa pag-aaral ang pag-adopt ng mga modernong kagamitan at pamamaraan ng airport management mula air traffic demand forecasts, financial analysis at recommendations for advanced aviation security systems na kakailanganin para sa mga future direct flights sa iba’t ibang aviation hubs ng US.

Planong maging complementary gateway ang Sangley Airport bilang alternatibo sa congested na Ninoy Aquino International Airport (NAIA).