Kamakailan ay pinangunahan nina General Trias City Mayor Luis Ferrer IV, Cavite Sixth District Rep. Antonio Ferrer at Vice Mayor Jonas Labuguen ang pagbibigay donasyon ng 35 unit ng Mitsubishi L300 FB utility vehicles sa Department of Education (DepEd) ng lungsod.

Ang turnover ceremony ng mga City Anti-Drug Abuse Council vehicles para sa DepEd Schools Division office ng General Trias City ay dinaluhan at sinuportahan rin nina Konsehal Vivencio Lozars, Chairman, Committee on Education, at Dr. Doric Estalilla, School Division Superintendent ng General Trias.

Ang mga sasakyan na tinanggap ni Estalilla ay ipapamahagi sa bawat pampublikong paaralan para magamit kaagad sa kani-kanilang eskuwelahan.

Nangako si Mayor Ferrer na patuloy na susuportahan ang mga pangangailangan ng mga paaralan at gagawing mas mataas ang antas ng edukasyon para sa mga kabataan. (Go Cavite)