GENERAL MARIANO ALVAREZ | Nasa byahe na patungong South Korea ang 65 seasonal workers na natulungan ng lokal na pamahalaan upang maging bahagi ng Agricultural Exchange Program.

Ayon kay Mayor Maricel Echevarria Torres, ang 65 indibidwal ay kabilang na sa ikatlong batch ng seasonal workers na kanilang tagumpay na naipadala sa nasabing bansa upang makapagtrabaho sa ilan sa mga industriya tulad ng Agriculture, Forestry, Livestock at Fisheries.

“Ito po ay bunga ng pagsisikap ng ating pamahalaang bayan sa pakikipagtulungan sa iba pang mga ahensya upang mabigyan ng magandang trabaho ang ating mga kababayan,” mensahe ng alkalde. | via Mayor Maricel Echevarria Torres/PIA CAVITE