Higit Php170 milyon na tulong at suporta para sa sektor ng agrikultura sa Calabarzon ang personal na ipinamahagi ni Pangulong Ferdinand R. Marcos Jr. sa kanyang pagbisita sa rehiyon ngayong Hulyo 11, Huwebes.
Sa ilalim ng Presidential Assistance to Farmers, Fisherfolk and Families (PAFFF) program ng administrasyon, nakatanggap ng cash assistance ang mga magsasaka at mangingisdang naapektuhan ng El NiΓ±o, habang ang mga pamahalaang lalawigan naman sa Calabarzon ay tumanggap rin ng suporta mula sa Pangulo para sa mga programang pang-agrikultura.
Ayon kay PBBM, makakaasa ang mga magsasaka at mangingisda na patuloy na aalalay ang gobyerno sa kanila upang makamit ang mas maunlad at progresibong Bagong Pilipinas.
Ilan sa mga ipinamahaging tulong ng Pangulo at ng Department of Agriculture ay mga farm machineries, equipment, fiber boats, seeds, fishing cages, at iba pa na bahagi ng DA Rice Program, Corn Program, High Value Crops Development Program, National Urban and Peri-Urban Agriculture Program, Livestock Program at Organic Agriculture Program.
Tuloy-tuloy din ang pagbaba ng mga programang pang-kabuhayan para sa mga Pilipino mula sa Department of Social Welfare and Development (DSWD), Department of Trade and Industry (DTI), Department of Labor and Employment (DOLE), Department of Agriculture (DA), Bureau of Fisheries and Aquatic Resources (BFAR), Technical Education and Skills Development Authority (TESDA), at tanggapan ni House Speaker Ferdinand Martin Romualdez.
Para sa mga benepisyaryo, makakatulong ang mga natanggap na assistance mula sa pamahalaan upang muling maibangon at mas mapaunlad pa ang kanilang kabuhayan.